Wipeout (IS)

Épisode 1 - Fyrsti þáttur

11 décembre 2009

Loksins, loksins er komið að því að íslenska þjóðin fái að berja augum afrakstur margfrægrar ferðar útvalinna Íslendinga til Argentínu þar sem þeir tóku þátt í hinum heimsfræga skemmtiþætti Wipeout. Hér er á ferðinni bráðfjörugur skemmtiþáttur fyrir alla fjölskylduna. Eins og flestir áskrifendur þekkja þurfa þátttakendur að fara í gegnum sérstaklega útfærða þraut á sem stystum tíma og reynir ekki aðeins á líkamlegan styrk heldur einnig kænsku, jafnvægi, snerpu og ekki síst heppni, því brautin er lúmsk, merkilega snúin og rennsleip.

Épisode 2 - Annar þáttur

21 décembre 2009

Mikið verður um skemmtilegar skvettur, skvamp og skelli í öðrum þætti Wipeout Ísland. Ný þraut, hlaupabrettið, er kynnt til sögunnar, og gerir gjörsamlega útaf við nokkra keppendur. Meðal keppanda eru íþróttafrömuður, fegurðardrottning, Superman-hjón frá Eyjum, verkfræðingur, plötusnúður og fiskverkunarmaður.

Épisode 3 - Þriðji þáttur

8 janvier 2010

Að þessu sinni verður algjör Zúúber Wipeout þáttur og keppendur hver öðrum skemmtilegri. Fyrst ber að nefna útvarpskonuna Siggu Lund, einn stjórnenda útvarpsþáttarins Zúúber á FM 95.7. Meðal annarra þáttakenda verða m.a. fyrrverandi hermaður í danska hernum, fimmfaldur Fitnessmeistari, afgreiðslumaður í fiskbúð sem er að læra rússnesku, margfaldur Íslandsmeistari í fimleikum, sundkennari og leikskólakennari.

Épisode 4 - Fjórði þáttur

15 janvier 2010

Það er komið að því...Auddi og Sveppi mæta til leiks í þessum Wipeout Ísland þætti! Hvernig mun kuldaskræfan með keppnisskapið hann Auddi standa sig? Hversu fyndið verður að sjá trúðinn Sveppa fara yfir rauðu botlana! Hvor þeirra mun standa sig betur?

Épisode 5 - Fimmti þáttur

22 janvier 2010

Meðal keppenda í þessum þætti af Wipeout Ísland verða Ingó Veðurguð (23) tónlistarmaður og Ívar Guðmundsson (43), útvarpsmaður á Bylgjunni og einkaþjálfari. Ingó hefur hingað til helst verið þekktur fyrir að vera einn vinsælasti tónlistarmaður Íslands, en hann er einnig fantagóður í fótbolta. Nú er spurningin; mun Ívar valta yfir Veðurguðinn, eða verður Ívar tekinn útaf gestalistanum?

Épisode 6 - Sjötti þáttur